Openbaar lichaam bonaire

Lei di tráfiko Boneiru

Entrante 1 di ougùstùs 2019 e lei di tráfiko adaptá ta bini na vigor. Riba e wèpsait aki por lesa kiko e reglanan ta enserá. Kua regla ta bira vigente? Kiko mester kumpli kuné? Ki ta e riesgo i butnan?

General

Na aña 1957 e lei di tráfiko pa Boneiru, esta ‘Wegenverkeersverordening,’a bini na vigor. Despues di esei nos poblashon i partisipantenan na tráfiko a krese supstansialmente. A bira tempu pues pa un adaptashon di reglanan di tráfiko.

Reglanan di tráfiko

Entrante 1 di ougùstùs 2019 lei di tráfiko adaptá ta bini na vigor. Aki por lesa e reglanan ku polis ta kontrolá for di 1 di ougùstùs.

Mantenshon i kontrol

For di 1 di ougùstùs te 1 di òktober polis ta hala bo atenshon si bo no tene bo mes na e reglanan nobo aki. E ora ei ainda bo no ta haña but. For di 1 di òktober si bo ta haña un prosèsvèrbal si bo no tene Bo mes na e reglanan.

Lei di tráfiko di 1957 i esun di 2019

E último añanan Boneiru a kambia masha hopi. Na aña 1957 Boneiru tabatin 5663 habitante. Aktualmente nos isla tin 20.488 habitante. E kantidat di outo na Boneiru tambe a oumentá konsiderablemente. Na aña 1957 tabatin mas o ménos 250 outo i tres motosaikel na Boneiru. Awor aki tin 15.696 outo na Boneiru. En total tin 1.816 skuter, motosaikel i ‘quad’.

Na aña 1957 e lei di tráfiko pa Boneiru, esta ‘Wegenverkeersverordening,’a bini na vigor. Despues di esei nos poblashon i partisipantenan na tráfiko a krese supstansialmente. A bira tempu pues pa un adaptashon di reglanan di tráfiko. P’esei a remplasá e lei bieu di tráfiko di 1957 ku un nobo. E reglanan nobo ta nesesario pa garantisá siguridat di tur hende den tráfiko. Dia 1 di ougùstùs 2019 e reglanan nobo ta bira vigente.

Tráfiko 2018

icon2-cc0rawpixel.png
Habitante
icon1-cc0rawpixel.png
Aksidente ku daño material
icon4-cc0rawpixel.png
Aksidente ku herido
icon3-cc0rawpixel.png
Aksidente ku morto

Entrante 1 di ougùstùs polis ta kontrolá:

Entrante 1 di ougùstùs 2019 lei di tráfiko adaptá ta bini na vigor. Aki por lesa e reglanan ku polis ta kontrolá for di 1 di ougùstùs.

Siguridat

Telefòn

Bo no tin mag tene un telefòn selular den bo man ora bo ta kore outo

Siguridat

Faha di siguridat

Tur hende den outo mester mara e faha di siguridat

Verkeerswet Bonaire kinderzit

Siguridat

Stul spesial pa mucha

Mucha te ku tres aña mester sinta den un stul spesial pa mucha den outo

Verkeerswet Bonaire helm

Siguridat

Hèlm

Koredónan di skuter, motosaikel i ‘quad’ mester bisti hèlm

General

Alkohòl

Tantu den lei bieu di tráfiko komo den esun nobo ta kastigabel pa stür bou di influensia di alkohòl.

Tur regla di tráfiko

For di 1 di ougùstùs te 1 di òktober polis lo hala bo atenshon si bo falta ku e reglanan akí. Ta bai introdusí mas regla tambe. Gobièrnu di Boneiru ta informá regularmente tokante esaki. Tene e website akí na bista pa bo ta bon informá.

Mi ta konta ku boso ta tene boso mes na e reglanan nobo. Al final ta trata di siguridat di nos tur. Siguridat di nos yunan, nos famia, amigu i konosínan i turistanan na Boneiru. I ta p’esei nos ta hasié.

Gezaghebber di Boneiru
Edison Rijna